തിരുവനന്തപുരം:അരുവിക്കരയിൽ വാട്ടർ അതോറിറ്റി നിർമ്മാണം പൂർത്തീകരിച്ചു വരുന്ന 75എം എൽ ഡി ജല ശുദ്ധീകരണ ശാലയിൽ നിന്നുള്ള ജലം നഗരത്തിലേക്ക് ഇപ്പോൾ നിലവിലുള്ള പ്രധാന ജലവിതരണ പൈപ്പിലേക്ക് ലഭ്യമാക്കുന്നതിന് വേണ്ടിയുള്ള ബന്ധപ്പെടുത്തൽ പ്രവൃത്തികൾ 19. 12. 2020 ശനിയാഴ്ച നടത്തുന്നതിന്റെ ഭാഗമായി അരുവിക്കരയിലെ 86 എംഎൽഡി ജല ശുദ്ധീകരണ ശാലയുടെ പ്രവർത്തനം 19.12. 2020 ശനിയാഴ്ച രാവിലെ 9 മണി മുതൽ രാത്രി 11 മണി വരെ പൂർണ്ണമായും നിർത്തി…

വാട്ടർ അതോറിറ്റിയുടെ ആലുവ ജലശുദ്ധീകരണ ശാലയിൽനിന്ന് വിശാല കൊച്ചിയിലേക്കുള്ള ജലവിതരണം നടത്തുന്ന 1050 എംഎം കാസ്റ്റ് അയൺ പൈപ്പ് പൊട്ടിയതിനെത്തുടർന്ന് അതോറിറ്റി അടിയന്തര അറ്റകുറ്റപ്പണികൾ നടത്തി രാത്രി 11 മണിയോടെ പമ്പിങ് പുനഃസ്ഥാപിച്ചു. പൊട്ടിയ പൈപ്പുകൾ മാറ്റി തൽസ്ഥാനത്ത് പുതിയ പൈപ്പുകൾ സ്ഥാപിച്ചു. പുതിയ പൈപ്പ് സ്ഥാപിക്കൽ നടക്കുന്നു

കുടിവെള്ളമെടുക്കാൻ കിണർ പോലുമില്ലാതെ കഷ്ടപ്പെട്ട ബിപിഎൽ കുടുംബാംഗമായ സുരേഷിൻറെ നിവേദനത്തിന് ഫലമുണ്ടായി. അപേക്ഷയെത്തിച്ച് ഒരാഴ്ച പിന്നിടുംമുൻപേ ജലജീവൻ മിഷൻ കുടിവെള്ളം വീട്ടിലെത്തി. പലവിധ പ്രശ്നങ്ങൾ കാരണം ബുദ്ധിമുട്ടിയ ഈ കുടുംബത്തിന് ശരിക്കും അർഹമായ സമ്മാനം. അവർ പുഞ്ചിരിക്കട്ടെ… ഈ അതിവേഗ കണക്ഷന് വഴിയൊരുക്കിയ ആറ്റിങ്ങൽ ഡിവിഷന് അഭിനന്ദനങ്ങൾ..

കുറ്റിച്ചൽ ഗ്രാമ പഞ്ചായത്തിൽ അഗസ്ത്യൻ്റെ മടിത്തട്ടിൽ തല ചായ്ച്ചുറങ്ങുന്ന മലയോര ഗ്രാമമായ കോട്ടൂർ ചോനാമ്പാറ ഏഴാം വാർഡിൽ ആദിവാസി മേഖല കൂടി ഉൾപ്പെടുന്ന ഒരു പ്രദേശമാണ് കാപ്പുകാട് എംഎൻ നഗർ ലക്ഷം വീട് കോളനി. ഏകദേശം 40 കുടുംബങ്ങൾ ഉൾപ്പെട്ടതാണ് ഈ കോളനി. കുടിവെള്ള ക്ഷാമം രൂക്ഷമായ പ്രദേശം കൂടിയാണിത്. കോളനിക്കകത്തു തന്നെയുള്ള പൊതുകിണറിനെയാണ് ഇവിടുള്ളവർ ജലസ്രോതസ്സായി ഉപയോഗിച്ചുകൊണ്ടിരിക്കുന്നത്. വരൾച്ചാ ക്ഷാമസമയത്ത് പലപ്പോഴും ജലദൗർലഭ്യം ഈ കുടുംബങ്ങൾക്ക് അനുഭവപ്പെടുകയും ചെയ്യുന്നുണ്ടായിരുന്നു.…

കൊച്ചി: കോർപറേഷൻ മേഖലയിലെ ജലവിതരണ ശൃംഖലയുടെ പരിപാലനത്തിനായി വാട്ടർ അതോറിറ്റിയുടെ 24X7 മൊബൈൽ യൂണിറ്റ് പ്രവർത്തനമാരംഭിച്ചു. ജലവിതരണ പൈപ്പുകളുടെ അറ്റകുറ്റപ്പണികൾക്കും ഉപഭോക്താക്കളുടെ പരാതികൾക്കും പരിഹാരം കാണുന്നതിനായാണ് മൊബൈൽ യൂണിറ്റ് സജ്ജമാക്കിയത്. യൂണിറ്റിന്റെ ഉദ്ഘാടനം ജലവിഭവ വകുപ്പ് സെക്രട്ടറി ശ്രീ. പ്രണബ് ജ്യോതിനാഥ് നിർവഹിച്ചു. വാട്ടർ അതോറിറ്റി കൺട്രോൾ യൂണിറ്റുമായി ബന്ധപ്പെട്ടാണ് മൊബൈൽ യൂണിറ്റ് പ്രവർത്തിക്കുന്നത്. ബന്ധപ്പെടേണ്ട ഫോൺ നമ്പർ : 0484 236 169

കേരള വാട്ടർ അതോറിറ്റിയുടെ ആദ്യ ഒൗദ്യോഗിക പ്രസിദ്ധീകരണമായ ‘ജലതരംഗം’ ദ്വൈമാസികയുടെ പ്രകാശനം ബഹു. ജലവിഭവ വകുപ്പുമന്ത്രി ശ്രീ. കെ. കൃഷ്ണൻ കുട്ടി നിർവഹിച്ചു. മന്ത്രിയുടെ ചേംബറിൽ നടന്ന ചടങ്ങിൽ ജലവിഭവ വകുപ്പ് സെക്രട്ടറി ശ്രീ. പ്രണബ് ജ്യോതിനാഥ് ഐഎഎസിന് ആദ്യ പ്രതി കൈമാറിയാണ് പ്രകാശനം നടന്നത്. ജലജീവൻ പദ്ധതി നിർവഹണം സംസ്ഥാനത്ത് പുരോഗമിക്കുമ്പോൾ ജലതരംഗത്തിന്റെ ആദ്യലക്കം ജലജീവൻ മിഷൻ പ്രവർത്തനങ്ങൾ കേന്ദ്രീകരിച്ചാണ് തയാറാക്കിയിരിക്കുന്നത്. വാട്ടർ അതോറിറ്റിയിൽ നിലവിൽ വന്ന പുതിയ…