Events – KWA

24×7 മൊബൈൽ യൂണിറ്റ് പ്രവർത്തനം ആരംഭിച്ചു

Viju Vijayan — Thu, 19 Nov 2020 06:14:00 +0000

കൊച്ചി കോർപ്പറേഷൻ മേഖലയിൽ 24x7 മൊബൈൽ യൂണിറ്റ് പ്രവർത്തനം ആരംഭിച്ചു

കൊച്ചി കോർപ്പറേഷൻ മേഖലയിലെ ജല വിതരണ ശൃംഖലയിലെ പരിപാലനത്തിനായി കേരള വാട്ടർ അതോറിറ്റി 24×7 എന്ന മൊബൈൽ യൂണിറ്റ് പ്രവർത്തനം ആരംഭിച്ചു. ജല വിതരണ പൈപ്പുകളിൽ നിന്നുണ്ടാകുന്ന അറ്റകുറ്റപണികൾക്കും ഉപഭോക്താക്കളുടെ പ്രവർത്തനങ്ങൾക്കും പരിഹാരം കാണുന്നതിനായിട്ടാണ് ഈ യൂണിറ്റ് പ്രവർത്തനം ആരംഭിച്ചത്. മൊബൈൽ യൂണിറ്റിന്റെ ഔപചാരികമായ ഉത്‌ഘാടനം 16.11.2020 ന് ശ്രീ. പ്രണബ് ജ്യോതിനാഥ്, സ്‌പെഷ്യൽ സെക്രട്ടറി, ജല വിഭവ വകുപ്പ് നിർവഹിച്ചു. കേരള വാട്ടർ അതോറിറ്റി കൺട്രോൾ റൂം 0484 -236169 ആയി ബന്ധപെട്ടാണ് മൊബൈൽ യൂണിറ്റ് പ്രവർത്തിക്കുന്നത്.

ജലജീവൻ വഴി ആദ്യ കുടിവെള്ള കണക്ഷൻകുറ്റിച്ചൽ പഞ്ചായത്തിൽ

Principal Information Officer — Mon, 12 Oct 2020 07:58:13 +0000

ജലജീവൻ മിഷൻ പദ്ധതി വഴിയുള്ള സംസ്ഥാനത്തെ ആദ്യ കുടിവെള്ള കണക്ഷൻ തിരുവനന്തപുരം ജില്ലയിലെ കുറ്റിച്ചൽ പഞ്ചായത്തിൽ നൽകി. വാട്ടർ അതോറിറ്റിയുടെ അരുവിക്കര ഹെഡ് വർക്സ് ഡിവിഷനാണ് കുടിവെള്ള കണക്ഷൻ അനുവദിച്ചത്. കുറ്റിച്ചൽ പച്ചക്കാട് സ്വദേശി കെ.പി. മുഹമ്മദിനാണ് കേരളത്തിൽ ജലജീവൻ മിഷൻ വഴിയുള്ള ആദ്യ കണക്ഷൻ ലഭ്യമായത്. അരുവിക്കര ഡിവിഷനു കീഴിൽ രണ്ടുദിവസം കൊണ്ട് കുറ്റിച്ചൽ, അരുവിക്കര, പനവൂർ, പാങ്ങോട്, പുല്ലമ്പാറ പഞ്ചായത്തുകളിലായി 45 ജലജീവൻ കുടിവെള്ള കണക്ഷനുകളാണ് നൽകിയത്. വയനാട് ഡിവിഷനു കീഴിൽ സുൽത്താൻ ബത്തേരി, കൽപ്പറ്റ, മാനന്തവാടി എന്നിവിടങ്ങളിലായി മൂന്ന് ആദിവാസി കുടുംബങ്ങൾക്ക് ആദ്യ കണക്ഷൻ നൽകി. മൂന്നു കുടുംബങ്ങൾക്കുമായുള്ള കണക്ഷന്റെ പ്രവർത്തനാനുമതി എംഎൽഎമാരായ എെ. സി ബാലകൃഷ്ണൻ, കെ. കേളു എന്നിവർ പഞ്ചായത്ത് പ്രസിഡന്റുമാർക്ക് കൈമാറി. പാലക്കാട്, തൃശൂർ, പത്തനംതിട്ട, കോഴിക്കോട് ജില്ലകളിലും കഴിഞ്ഞ ദിവസങ്ങളിൽ ജലജീവൻ വഴി കുടിവെള്ള കണക്ഷൻ അനുവദിച്ചു. ജലജീവൻ പദ്ധതി വഴി നടപ്പുസാമ്പത്തിക വർഷം 21.42 ലക്ഷം ഗ്രാമീണ വീടുകൾക്കാണ് കുടിവെള്ളം നൽകുന്നത്. ആദ്യഘട്ടത്തിൽ ഭരണാനുമതി ലഭിച്ച 16.48 ലക്ഷം കണക്ഷനുകളാണ് ഇപ്പോൾ നൽകിത്തുടങ്ങുന്നത്.

ജലജീവൻ ഉദ്ഘാടന വാർത്തകൾ

Principal Information Officer — Fri, 09 Oct 2020 07:56:56 +0000

ജലജീവൻ ഉദ്ഘാടന വാർത്ത-കേരള കൗമുദി

ജലജീവൻ ഉദ്ഘാടന വാർത്ത-ദേശാഭിമാനി

ജലജീവൻ ഉദ്ഘാടന വാർത്ത-മാധ്യമം

മലയാള മനോരമ

ജനയുഗം

സംസ്ഥാന തല ഉദ്ഘാടനദിവസം ജലവിഭവ വകുപ്പ് ദിനപ്പത്രങ്ങളിൽ പ്രസിദ്ധീകരിച്ച പരസ്യം

ഉദ്ഘാടനച്ചടങ്ങിനായി തയാറാക്കിയ ക്ഷണക്കത്ത്

The Times Of India

മാധ്യമം

മാതൃഭൂമി

മലയാള മനോര 08.102020

ഏറ്റുമാനൂര്‍ ശുദ്ധജല വിതരണ പദ്ധതി

Kwa — Mon, 14 Sep 2020 17:56:56 +0000

ഏറ്റുമാനൂര്‍ ശുദ്ധജല വിതരണ പദ്ധതി നിര്‍മാണം ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി ഉദ്ഘാടനം ചെയ്തു .കിഫ്ബിയില്‍ നിന്നും 93.225 കോടി ചെലവഴിച്ച് നടപ്പാക്കുന്ന ഏറ്റുമാനൂര്‍ ശുദ്ധജല വിതരണ പദ്ധതിയുടെ നിര്‍മാണോദ്ഘാടനം ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി വീഡിയോ കോണ്‍ഫറന്‍സിലൂടെ നിര്‍വഹിച്ചു. 49,852 പേര്‍ക്ക് കുടിവെള്ളം ലഭ്യമാക്കുന്ന പദ്ധതി സമയബന്ധിതമായി പൂര്‍ത്തീകരിക്കുന്നതിന് ജനപ്രതിനിധികളും ഉദ്യോഗസ്ഥരും കൂട്ടായി പരിശ്രമിക്കണമെന്ന് മന്ത്രി നിര്‍ദേശിച്ചു. നിര്‍മ്മാണ പ്രവൃത്തികളുടെ പുരോഗതി കൃത്യമായ ഇടവേളകളില്‍ അവലോകനം ചെയ്യണം. പ്രാദേശികമായ തടസങ്ങള്‍ മറി കടക്കുന്നതിനുള്ള പ്രവര്‍ത്തനങ്ങളില്‍ എല്ലാവരുടെയും പങ്കാളിത്തമുണ്ടാകണം- അദ്ദേഹം പറഞ്ഞു. ജല അതോറിറ്റി ടെക്‌നിക്കല്‍ മെമ്പര്‍ ജി. ശ്രീകുമാര്‍ പദ്ധതി റിപ്പോര്‍ട്ട് അവതരിപ്പിച്ചു. കോവിഡ് പ്രോട്ടോകോള്‍ പാലിച്ച് ഏറ്റുമാനൂര്‍ ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ നടന്ന ചടങ്ങില്‍ അഡ്വ. കെ. സുരേഷ് കുറുപ്പ് എം. എല്‍. എ അധ്യക്ഷത വഹിച്ചു. തോമസ് ചാഴികാടന്‍ എം.പി മുഖ്യാതിഥിയായിരുന്നു. ശിലാഫലകത്തിന്റെ അനാച്ഛാദനവും അദ്ദേഹം നിര്‍വ്വഹിച്ചു. നഗരസഭാ ചെയര്‍മാന്‍ ബിജു കൂമ്പിക്കല്‍ മുഖ്യ പ്രഭാഷണം നടത്തി. ബ്ലോക്ക് പഞ്ചായത്ത് പ്രസിഡന്‍റ് സജി തടത്തില്‍, അതിരമ്പുഴ ഗ്രാമപഞ്ചായത്ത് പ്രസിഡന്‍റ് ലിസി ടോമി, ജില്ലാ പഞ്ചായത്തംഗം മഹേഷ് ചന്ദ്രന്‍, മറ്റ് ജനപ്രതിനിധികള്‍, ജല അതോറിറ്റി പ്രോജക്ട് ഡിവിഷന്‍ എക്‌സിക്യൂട്ടീവ് എന്‍ജിനീയര്‍ പി.എസ്. പ്രദീപ്, പി.എച്ച് ഡിവിഷന്‍ സൂപ്രണ്ടിംഗ് എന്‍ജിനീയര്‍ സി. സജീവ്, അസിസ്റ്റന്റ് എക്‌സിക്യൂട്ടീവ് എന്‍ജീനീയര്‍ ജിബോയ് ജോസ്, അസിസ്റ്റന്റ് എന്‍ജിനീയര്‍ രാധാമണി, രാഷ്ടീയ പാര്‍ട്ടികളുടെ പ്രതിനിധികള്‍ തുടങ്ങിയവര്‍ പങ്കെടുത്തു. ഏറ്റുമാനൂര്‍ മുനിസിപ്പാലിറ്റി പരിധിയില്‍ താമസിക്കുന്ന ഓരോ വ്യക്തിക്കും പ്രതിദിനം 150 ലിറ്റര്‍ ശുദ്ധജലവും അതിരമ്പുഴ ഗ്രാമപഞ്ചായത്തിലെ നാലാം വാര്‍ഡിലുള്ള എല്ലാവര്‍ക്കും മൂന്ന്, അഞ്ച്, ആറ്, 12 വാര്‍ഡുകളിലെ പദ്ധതിയില്‍ ഉള്‍പ്പെട്ട മേഖലകളിലുള്ളവര്‍ക്കും പ്രതിദിനം 100 ലിറ്റര്‍ വീതവും പദ്ധതിയിലൂടെ ലഭ്യമാകും. മീനച്ചിലാറ്റിലെ വെള്ളമാണ് ശുദ്ധീകരിച്ച് 8675 വാട്ടര്‍ കണക്ഷനുകള്‍ മുഖേന ഈ മേഖലയില്‍ വിതരണം നടത്തുക. പൂവത്തുംമൂട്ടിലെ ഒമ്പത് മീറ്റര്‍ വ്യാസമുള്ള കിണര്‍ ഇതിനായി ഉപയോഗിക്കും. നേതാജി നഗറില്‍ ശുദ്ധീകരണശാലയും രണ്ട് ജലസംഭരണികളും കച്ചേരി കുന്ന്, കട്ടച്ചിറ എന്നിവിടങ്ങളില്‍ ഓരോ സംഭരണികള്‍ വീതവും സ്ഥാപിക്കും. നാല് പാക്കേജുകളിലായി നടപ്പാക്കുന്ന പദ്ധതി 2022 ഓഗസ്റ്റില്‍ സമ്പൂര്‍ണ്ണമായി പൂര്‍ത്തീകരിക്കാനാണ് ലക്ഷ്യമിടുന്നത്. ഏറ്റുമാനൂര്‍ മുനിസിപ്പാലിറ്റിയില്‍ 27.5 കിലോമീറ്റര്‍ ദൈര്‍ഘ്യത്തിലുള്ള വിതരണ ശൃംഖല ആദ്യഘട്ടത്തില്‍ പൂര്‍ത്തീകരിക്കും. ജല ശുദ്ധീകരണശാലയ്ക്ക് വേണ്ടി 107 സെന്റ് സ്ഥലം ഏറ്റെടുക്കുന്നതിനും കച്ചേരിക്കടവിലെ സംഭരണിക്കു വേണ്ട ഭൂമി ലഭ്യമാക്കുന്നതിനും നടപടികള്‍ പുരോഗമിക്കുകയാണ്

കോഴിക്കോട് കുന്ദമംഗലം നിയോജക മണ്ഡലത്തിലെ ശുദ്ധജല വിതരണ പദ്ധതിയുടെയും ജലസേചന പദ്ധതി പ്രവര്‍ത്തനങ്ങളുടേയും ഉദ്ഘാടനം

Kwa — Mon, 14 Sep 2020 16:42:50 +0000

കോഴിക്കോട് കുന്ദമംഗലം നിയോജക മണ്ഡലത്തിലെ ശുദ്ധജല വിതരണ പദ്ധതിയുടെയും ജലസേചന പദ്ധതി പ്രവര്‍ത്തനങ്ങളുടേയും ഉദ്ഘാടനംജലവിഭവ വകുപ്പ് മന്ത്രി കെ. കൃഷ്ണന്‍കുട്ടി നിര്‍വഹിച്ചു. വീഡിയോ കോണ്‍ഫറന്‍സിലൂടെയായിരുന്നു മൂന്ന് പദ്ധതികളുടെയും ഉദ്ഘാടനം നിര്‍വഹിച്ചത്. പിടിഎ റഹീം എംഎല്‍എയുടെ ആസ്തിവികസന ഫണ്ട് കൂടി ലഭ്യമാക്കി നിര്‍മ്മാണം പൂര്‍ത്തീകരിച്ച കുടിവെള്ള പദ്ധതിയാണ് ഇതില്‍ പ്രധാനം. മാവൂര്‍ ഗ്രമപഞ്ചായത്തില്‍ 1750 വാട്ടര്‍ കണക്ഷനുകളിലും ഇരുന്നോറോളം പൊതു ടാപ്പുകളിലും ശുദ്ധജലമെത്തിക്കുന്നതാണ് പദ്ധതി. 11,750 ഓളം ജനങ്ങള്‍ക്ക് ഈ പദ്ധതിയുടെ ഗുണം ലഭിക്കുന്നുണ്ട്. ഇതോടൊപ്പം കുന്ദമംഗലം വേളൂര്‍ വയല്‍ പാടശേഖരത്തെ കൃഷി അഭിവൃദ്ധിപ്പെടുത്തുന്നതിന് വിഭാവനം ചെയ്യുന്ന പാടശേഖര വികസന പ്രവൃത്തികള്‍ക്ക് തുടക്കം കുറിച്ചു. 80 ലക്ഷം രൂപയുടെ പ്രവൃത്തികളാണ് ആരംഭിച്ചത്. ഒന്‍പത് മാസംകൊണ്ട് ഇത് പൂര്‍ത്തിയാക്കും. 80 ഹെക്ടര്‍ പ്രദേശത്ത് നെല്‍, പച്ചക്കറി, തെങ്ങ്, വാഴ തുടങ്ങിയ വിളകള്‍ക്ക് ജലസേചനസൗകര്യം ലഭ്യമാക്കുകയാണ് ലക്ഷ്യം.ചാത്തമംഗലം പഞ്ചായത്തിലെ എരഞ്ഞിപ്പറമ്പ് ലിഫ്ട് ഇറിഗേഷന്‍ പദ്ധതിയുടെ നിര്‍മാണോദ്ഘാടനവും ഇതോടൊപ്പം നടത്തി. കുളിമാട്, എരഞ്ഞിപ്പറമ്പ്, കുറ്റികുളം എന്നി മേഖലകളിലെ 220 ഹെക്ടര്‍ പ്രദേശത്തെ കൃഷിക്ക് ജലസേചന സൗകര്യം ഉറപ്പാക്കുന്നതാണ് ഈ പദ്ധതി. 160 ലക്ഷം രൂപയുടെ ചെലവ് കണക്കുകൂട്ടുന്നു. 12 മാസമാണ് പ്രവൃത്തികള്‍ പൂര്‍ത്തീകരിക്കാന്‍ വേണ്ടിവരുന്ന സമയം