തുടർച്ചയായുണ്ടായ പ്രതിസന്ധികളെ മറികടന്നാണ് കോയിപ്രം സമഗ്ര കുടിവെള്ള പദ്ധതിയുടെ ഒന്നാംഘട്ടം ഉദ്ഘാടനം ചെയ്യാനായതെന്ന് മന്ത്രി പറഞ്ഞു. 2016–17 മുതൽ വിവിധ പഞ്ചായത്തുകളിലായി ആവിഷ്കരിച്ച ചെറുകിട പദ്ധതികളൊക്കെ ഒത്തുചേർന്നതാണ് പുതിയ ജലജീവൻ പദ്ധതി. പത്തനംതിട്ട ജില്ലയിൽ ആറന്മുള തിരുവല്ല, റാന്നി എന്നീ നിയോജകമണ്ഡലങ്ങളിൽ ഉൾപ്പെടുന്ന കോയിപ്രം, പുറമറ്റം, തോട്ടപ്പുഴശ്ശേരി, എഴുമറ്റൂർ, ഇരവിപേരൂർ, കല്ലൂപ്പാറ, കുന്നന്താനം തുടങ്ങിയ ഏഴു ഗ്രാമപഞ്ചായത്തുകളിൽ വർഷങ്ങളായി നിലനിൽക്കുന്ന അതിരൂക്ഷമായ കുടിവെള്ളക്ഷാമം പരിഹരിക്കുന്നതിനായി ജലജീവൻ മിഷൻ പദ്ധതിയിൽ ഉൾപ്പെടുത്തി 260 കോടിയുടെ സമഗ്ര കുടിവെള്ള പദ്ധതി നടപ്പിലാക്കുകയാണ്. പത്തനംതിട്ട ജില്ലയിലെ ഏറ്റവും വലിയ കുടിവെള്ള പദ്ധതി നടപ്പിലാക്കുന്നതോടുകൂടി ഏഴു പഞ്ചായത്തുകളിലെ ഒന്നര ലക്ഷം ജനങ്ങൾക്ക് ശുദ്ധീകരിച്ച കുടിവെള്ളം ലഭ്യമാകും.
ഈ പദ്ധതിയുടെ ജലശുദ്ധീകരണശാല, ഇൻടേക്ക് വെൽ എന്നിവ നിർമ്മിക്കുന്നതിന് ആവശ്യമായ സ്ഥലം ഏറ്റെടുക്കുന്നതിനായി കേരള സർക്കാർ 10.5 8 കോടി രൂപ ജല അനുവദിക്കുകയും പൂവത്തൂരിൽ പദ്ധതിയുടെ ഇൻടേക്ക് വെൽ നിർമ്മിക്കാനാവശ്യമായ സ്ഥലം വാട്ടർ അതോറിറ്റിക്ക് ഏറ്റെടുത്ത് കൈമാറിയിട്ടുണ്ട്. 40 ദശലക്ഷം ലിറ്റർ ശേഷിയുള്ള ജലശുദ്ധീകരണശാല, 12 മീറ്റർ വ്യാസമുള്ള ഇൻടേക്ക് വെൽ, പമ്പിങ് ലൈൻ ടാങ്കുകൾ മറ്റ് അനുബന്ധ ഘടകങ്ങൾ എന്നിവയോടുകൂടിയ 109.5 കോടി രൂപയുടെ പദ്ധതിയാണ് ഇപ്പോൾ നടപ്പിലാക്കുന്നത്.

കോയിപ്രം പഞ്ചായത്തിലെ കുന്നം കോളനിയിൽ നിന്നാണ് ഇതിന്റെ തുടക്കം. 25 ലക്ഷം രൂപയുടെ പദ്ധതിയാണ് അന്ന് അവതരിപ്പിച്ചത്. കുന്നത്തിന് സമീപമുള്ള പാടത്ത് കിണർ കുഴിച്ച് കുന്നം നിവാസികൾക്ക് കുടിവെള്ളമെത്തിക്കുന്നതായിരുന്നു പദ്ധതി. എന്നാൽ ആ പ്രദേശത്തിന് ആവശ്യമായ കുടിവെള്ളം ലഭ്യമല്ലെന്നു കണ്ടതോടെ ശ്രമം ഉപേക്ഷിക്കേണ്ടിവന്നു.പിന്നീട് കോയിപ്രം, തോട്ടപ്പുഴശ്ശേരി, ഇരവിപേരൂർ എന്നീ പഞ്ചായത്തുകളിലെ കുടിവെള്ള വിതരണത്തിനായി 25 കോടിയുടെ മറ്റൊരു പദ്ധതി അവതരിപ്പിച്ചു. പദ്ധതി തുടങ്ങിയ സമയത്ത് ആറന്മുള നിയോജക മണ്ഡലത്തിൽ നിന്ന് കിഫ്ബിയിലേക്ക് നൽകിയ 10 പ്രധാന പദ്ധതികളിലൊന്നായിരുന്നു കോയിപ്രം കുടിവെള്ള പദ്ധതി. പ്രമറ്റം, എഴുമറ്റൂർ, കുന്നന്താനം, കല്ലൂപ്പാറ എന്നീ പഞ്ചായത്തുകളെയും ഉൾപ്പെടുത്തി ഏകദേശം 260 കോടി രൂപയുടെ കുടിവെള്ള പദ്ധതിയായി ഇത് വികസിച്ചു.

ആനാട്‌, കുറുപുഴ, പാലോട്‌ വില്ലേജുകള്‍ക്കു വേണ്ടിയുള്ള കുടിവെള്ള പദ്ധതിയുടെ, പാലോട് ഇന്‍ ടേക്ക്‌ വെല്‍ കം പമ്പ്‌ ഹസ്‌, 11.50 ദശലക്ഷം ലിറ്റ‍ർ പ്രതിദിനശേഷിയുള്ള ജലശുദ്ധീകരണശാല, ആനക്കുഴിയിലെ 10 ലക്ഷം ലിറ്റര്‍ ജലസംഭരണി, ആനക്കുഴി 10 ലക്ഷം ലിറ്റര്‍ ജലസംഭരണിയില്‍നിന്നു നന്ദിയോട്‌ പഞ്ചായത്തിലേക്കുള്ള ജലവിതരണ ശൃംഖല, ജലജീവൻ മിഷന്‍ ആനാട്‌, നന്ദിയോട്‌ പഞ്ചായത്തുകള്‍ക്കു വേണ്ടിയുള്ള പദ്ധതിയില്‍ ഉള്‍പ്പെടുത്തി പൂര്‍ത്തിയാക്കിയ കൂപ്പ്‌ 6.25 ലക്ഷം ലിറ്റര്‍ ശേഷിയുള്ള ഉപരിതലജലസംഭരണി, കൂപ്പ്‌ ഉപരിതലജലസംഭരണിയില്‍നിന്ന് ആനാട്‌ പഞ്ചായത്തിലേക്കുള്ള ജലവിതരണശൃംഖല, ആനാട്‌, നന്ദിയോട്‌ പഞ്ചായത്തുകള്‍ക്കു വേണ്ടിയുള്ള ഗാര്‍ഹിക കുടിവെള്ള കണക്ഷനുകള്‍ എന്നീ പ്രവൃത്തികളാണ് സമ​ഗ്രകുടിവെള്ള പദ്ധതിയുടെ കീഴിൽ പൂര്‍ത്തീകരിച്ചത്.

വാമനപുരം നിയോജകമണ്ഡലത്തിലുള്‍പ്പെട്ട ആനാട്‌, നന്ദിയോട്‌ പഞ്ചായത്തുകളില്‍ കുടിവെള്ളം ലഭ്യമാക്കുന്നതിനു വേണ്ടി വിഭാവനം ചെയ്ത പദ്ധതിയാണ്‌ ആനാട്‌ – കുറുപുഴ – പാലോട്‌ കുടിവെള്ള പദ്ധതി. ഈ പദ്ധതി വിവിധ ഘടകങ്ങള്‍ ഉള്‍പ്പെടുത്തി മൂന്ന്‌ ഘട്ടങ്ങളായാണ്‌ നടപ്പിലാക്കുന്നത്‌. ഒന്നാം ഘട്ട പ്രവര്‍ത്തികള്‍ക്ക്‌ കേന്ദ്ര ധനസഹായത്തോടെയുള്ള എന്‍.ആര്‍.ഡി.ഡബ്ല്യു.പി. പദ്ധതിയില്‍ ഉള്‍പ്പെടുത്തി 2014 നവംബറിൽ 15 കോടി രൂപയുടെ ഭരണാനുമതി ലഭിച്ചിരുന്നു. ഇതില്‍ പാലോടുള്ള ഇന്‍ ടേക്ക്‌ വെല്‍ കം പമ്പ്‌ ഹസ്‌ , 11.50 എംഎൽഡി ജലശുദ്ധീകരണശാല, ക്ലിയര്‍ വാട്ടര്‍ സമ്പ്, ആനക്കുഴി 10 ലക്ഷം ലിറ്റര്‍ ശേഷിയുള്ള ജലസംഭരണി എന്നിവയാണ്‌ ഉള്‍പ്പെട്ടിരുന്നത്‌.

കിണർ, പമ്പ്ഹൗസ്, അസംസ്കൃത വാട്ടര്‍ പമ്പിംഗ്‌ മെയിന്‍ എന്നിവ 4.89 കോടിക്കും ജലശുദ്ധീകരണശാല 4.34 കോടി രൂപയ്ക്കും നിര്‍മ്മാണം പൂർത്തീകരിച്ചു.

2016 മുതല്‍ എന്‍.ആര്‍.ഡി.ഡബ്ല്യു.പി. പദ്ധതികള്‍ക്കുള്ള കേന്ദ്ര സാമ്പത്തിക സഹായം വലിയ തോതില്‍ കുറയ്ക്കുകയും പിന്നീട്‌ പൂര്‍ണമായും നിര്‍ത്തലാക്കുകയും ചെയ്തതിനാൽ ഫണ്ടിന്റെ അപര്യാപ്തത ഭരണാനുമതി ലഭിച്ച പദ്ധതിപൂർത്തീകരണത്തെ ബാധിച്ചിരുന്നു. പ​ദ്ധതിയുടെ അവശേഷിക്കുന്ന പ്രവൃത്തികള്‍ക്കായി 2018 ഒാ​ഗസ്റ്റിൽ സ്റ്റേറ്റ്‌ പ്ലാനില്‍ ഉള്‍പ്പെടുത്തി 16 കോടി രൂപയുടെ ഭരണാനുമതി ലഭിച്ചു. ഇതില്‍ അസംസ്കൃത ജലം പമ്പ് ചെയ്യുന്നതിനായി പമ്പ്‌ സെറ്റുകള്‍ സ്ഥാപിക്കല്‍, നന്ദിയോട്‌ നിലവിലുള്ള ജലസംഭരണിയുടെ പുനരുദ്ധാരണം, പുതുതായി 10 ലക്ഷം ലിറ്റര്‍ സംഭരണശേഷിയുള്ള പുതിയ ഭൂതലജലസംഭരണിയുടെ നിര്‍മ്മാണം, ഈ ജലസംഭരണികളിലേയ്ക്ക്‌ ജലശുദ്ധീകരണശാലയില്‍ നിന്നും ശുദ്ധീകരിച്ച ജലം എത്തിക്കുന്നതിനുള്ള പൈപ്പ്ലൈന്‍ സ്ഥാപിക്കല്‍, നന്ദിയോട്‌ പഞ്ചായത്തില്‍ 63 കി. മീ. ദൈര്‍ഘ്യത്തില്‍ ജലവിതരണശൃംഖല സ്ഥാപിക്കല്‍ എന്നിവയാണ്‌ ഉള്‍പ്പെടുത്തിയിരുന്നത്‌. ഈ പ്രവൃത്തികള്‍ രണ്ടു പാക്കേജുകളായി പൂര്‍ത്തീകരിച്ചിട്ടുണ്ട്‌. 2025 മാർച്ചിൽ വൈദ്യുത കണക്ഷന്‍ ലഭിക്കുകയും തുടര്‍ന്ന്‌ ജലശുദ്ധീകരണശാല കമ്മീഷന്‍ ചെയ്ത് ആനക്കുഴി, നന്ദിയോട്‌ ടാങ്കുകളിലേയ്ക്കുള്ള ശുദ്ധജല പമ്പിങ്‌ മെയിനുകള്‍ ചാര്‍ജ്‌ ചെയ്യുകയും ചെയ്തിട്ടുണ്ട്‌. നന്ദിയോട്‌ പഞ്ചായത്തിലുള്ള ആനക്കുഴി, നന്ദിയോട്‌ ജലസംഭരണികളില്‍ നിന്നുള്ള വിതരണശൃംഖലയിലൂടെ 2025 ഓഗസ്റ്‌ 16 മുതല്‍ ജലവിതരണം നടന്നുവരുന്നു. കുടിവെള്ള പദ്ധതിയുടെ മൂന്നാം ഘട്ടമായി ആനാട്‌, നന്ദിയോട്‌ പഞ്ചായത്തുകളിലെ മുഴുവന്‍ വീടുകളിലും കുടിവെള്ളമെത്തിക്കുന്നതിനായി ജലജീവന്‍ മിഷനിലുള്‍പ്പെടുത്തി 2021-ല്‍ 79.58 കോടി രൂപയുടെ ഭരണാനുമതി ലഭിച്ചു. ഈ പ്രവൃത്തികള്‍ പുരോ​ഗമിക്കുകയാണ്.

ഈ വർഷം മുതൽ വാടകവീടുകളിൽ താമസിക്കുന്നവ‍‍ർക്കും ബി.പി.എല്‍. ആനുകൂല്യം അനുവദിക്കും. ഈ വിഭാഗത്തില്‍പ്പെട്ട ഉപഭോക്താക്കള്‍ അപേക്ഷയോടൊപ്പം വാടകക്കരാറിന്റെ പകര്‍പ്പും വീടുടമസ്ഥന്‍റെ സമ്മതപത്രവും ഓണ്‍ലൈന്‍ പോര്‍ട്ടലില്‍ അപ്ലോഡ് ചെയ്യണം. കൂടുതൽ വിവരങ്ങൾക്ക് ബന്ധപ്പെട്ട വാട്ട‍ർ അതോറിറ്റി സെക്ഷൻ ഒാഫിസ് സന്ദർശിക്കുകയോ ടോൾഫ്രീ നമ്പരായ1916-ൽ വിളിക്കുകയോ ചെയ്യാം.

ഈ മണ്ഡല-മകരവിളക്ക് കാലത്ത് ജനുവരി ഒന്നാം തീയതി വരെ ബോർഡിനുള്ള ആകെ കുടിവെള്ള ബിൽ തുക 2.630 കോടി രൂപയാണ്. ഈ തുക രണ്ടാഴ്ചയ്ക്കുള്ളിൽ തന്നെ അടയ്ക്കണമെന്നും കോടതി നിർദേശിച്ചിട്ടുണ്ട്.

ടാങ്കർ വഴി കുടിവെള്ളം എത്തിക്കേണ്ട സ്ഥിതി ഒഴിവായതോടെ തിരുവിതാംകൂർ ദേവസ്വം ബോ‍‍ർഡിന് 3.54 കോടി രൂപയാണ് ഈ തീർഥാടന കാലത്ത് ലാഭിക്കാനായത്. ഈ വർഷം ടാങ്കർ വിതരണ ഇനത്തിൽ 6.78 ലക്ഷം രൂപ മാത്രമാണ് ചെലവായത്. കഴിഞ്ഞ മണ്ഡലകാലത്ത് 3.39 കോടി രൂപയാണ് ടാങ്കർ കുടിവെള്ള വിതരണത്തിന് ബോർഡ് ചെലവാക്കിയത്. 2023-24-ലെ തീർഥാടന കാലത്ത് 3.89 കോടി രൂപയായിരുന്നു ടാങ്കർ കുടിവെള്ള വിതരണത്തിനായി ബോർഡിന് വേണ്ടിവന്നത്. സീതത്തോട്–നിലയ്ക്കൽ കുടിവെള്ള പദ്ധതി പ്രവർത്തനസജ്ജമാകുമ്പോൾ ടാങ്കർ കുടിവെള്ള വിതരണം പൂർണമായും ഒഴിവാക്കാനാകുമെന്ന് വാട്ടർ അതോറിറ്റി വ്യക്തമാക്കിയിരുന്നു. നാമമാത്രമായ ടാങ്കർ കുടിവെള്ള വിതരണവുമായി ഈ തീർഥാടനകാലം പിന്നിടുമ്പോൾ വാ​ഗ്ദാനം നിറവേറ്റാനായതിന്റെ ആഹ്ലാദത്തിലാണ് വാട്ടർ അതോറിറ്റിയിലെ ജീവനക്കാർ.

ടാങ്കർ കുടിവെള്ള വിതരണം ഒഴിവായതോടെ നിലയ്ക്കലേക്ക് ദിനംപ്രതി ഒാടിച്ചിരുന്ന 120 മുതൽ150 വരെ ടാങ്കർ ലോറി ട്രിപ്പുകൾ, ഒന്നോ രണ്ടോ ആയി ചുരുക്കാൻ കഴിഞ്ഞു. ഇതോടെ ഗതാഗതക്കുരുക്കിനും ഏറെ പരിഹാരമായിട്ടുണ്ട്.

ഈ തീർഥാടന കാലത്ത് പമ്പയിൽ 4.69 ലക്ഷം കിലോലിറ്റർ വെള്ളം പൈപ്പ് ലൈൻ വഴിയെത്തിച്ചിരുന്നു. നിലയ്ക്കലിലെ 1.17 ലക്ഷം കിലോലിറ്റർ വെള്ളം കൂടി ചേർത്ത് ആകെ 5.87 ലക്ഷം കിലോലിറ്റർ കുടിവെള്ളമാണ് ഈ തീർഥാടന കാലത്ത് ശബരിമലയിൽ വിതരണലൈൻ വഴിയെത്തിച്ചത്. കഴിഞ്ഞ മണ്ഡലകാലത്ത് പമ്പയിൽ ആകെ 3.90 ലക്ഷം കിലോലിറ്റർ വെള്ളമാണ് വിതരണലൈൻ വഴിയെത്തിച്ചത്. നിലയ്ക്കലിൽ വിതരണം ചെയ്ത വെള്ളം മുഴുവനും ടാങ്കർ വഴിയായിരുന്നു.

നിലയ്ക്കൽ, പമ്പ, സന്നിധാനം, നീലിമല എന്നിവടങ്ങളിലേക്കുള്ള കുടിവെള്ള വിതരണത്തിനായി നിലയ്ക്കൽ-സീതത്തോട് പദ്ധതിയും പമ്പ കുടിവെള്ള പദ്ധതിയുമാണ് വാട്ടർ അതോറിറ്റിയുടെ കീഴിൽ പ്രവർത്തിക്കുന്നത്. ഈ ഒക്ടോബറിൽ പ്രവർത്തനസജ്ജമായ നിലയ്ക്കൽ-സീതത്തോട് പദ്ധതിക്ക് 94 കോടി രൂപയായിരുന്നു നിർമാണച്ചെലവ്. പദ്ധതികളുടെ പരിപാലനം, ഇൻഡസ്ട്രിയൽ നിരക്കിലുള്ള വൈദ്യുത ചാർജ്, പമ്പയിലെ എൻഎബിഎൽ അക്രഡിറ്റഡ് ജലഗുണനിലവാര പരിശോധനാ ലാബിൻറെ പ്രവർത്തനം എന്നീ വകയിൽ വാട്ടർ അതോറ്റിക്ക് പ്രതിവർഷം 75 ലക്ഷത്തോളം രൂപയാണ് പ്രവർത്തന നഷ്ടം.

‌​ഗുണനിലവാര പരിശോധനയ്ക്ക് പ്ലാസ്റ്റിക് കുപ്പിയിൽ രണ്ട് ലിറ്റർ വെള്ളവും മൈക്രോബയോളജി പരിശോധനയ്ക്ക് അണുവിമുക്ത ബോട്ടിലിൽ(മെഡിക്കൽ സ്റ്റോറുകളിൽ ലഭ്യം) 250 മില്ലി ലിറ്റർ വെള്ളവുമാണ് കൊണ്ടുവരേണ്ടത്. എല്ലാ പ്രവർത്തി ദിവസങ്ങളിലും രാവിലെ 10:15 മുതൽ 4 മണി വരെയാണ് ലാബുകളുടെ പ്രവർത്തനം. ഗാർഹിക വിഭാ​ഗത്തിന് ജൈവ ഘടകങ്ങൾ അടക്കം 19 ഘടകങ്ങൾ പരിശോധിക്കുന്നതിന് 850രൂപയും ജൈവ ഘടകങ്ങളുടെ മാത്രം പരിശോധനയ്ക്ക് 500 രൂപയുമാണ് നിരക്ക്.

അപേക്ഷ ഫെബ്രു. 15 വരെ

പ്രതിമാസം 15000 ലിറ്ററിൽ താഴെ ഉപഭോ​ഗമുള്ള, ബിപിഎൽ വിഭാ​ഗത്തിൽപ്പെടുന്ന ഉപഭോക്താക്കൾക്ക് കേരള വാട്ടർ അതോറിറ്റിയുടെ സൗജന്യ കുടിവെള്ളത്തിനുള്ള അപേക്ഷ സമർപ്പിക്കാനുള്ള തീയതി ഫെബ്രുവരി 15 വരെ നീട്ടി. വാട്ടർ അതോറിറ്റി സെക്ഷൻ ഒാഫിസുകളിലോ ഒാൺലൈൻ വഴിയോ അപേക്ഷ നൽകാം. നിലവില്‍ ബി.പി.എല്‍ ആനുകൂല്യം ലഭിക്കുന്ന ഉപഭോക്താക്കളും പുതുതായി ആനുകൂല്യം വേണ്ടവരും http://bplapp.kwa.kerala.gov.in എന്ന ഓണ്‍ലൈന്‍ പോര്‍ട്ടല്‍ മുഖേന ബി.പി.എല്‍ അപേക്ഷ സമര്‍പ്പിക്കേണ്ടതാണ്.

നിലയ്ക്കല്‍ കുടിവെള്ളപദ്ധതി പൂര്‍ണമായി യാഥാര്‍ത്ഥ്യമാകുന്നതോടെ മലയോര മേഖലയിലെ കുടിവെള്ള പ്രശ്‌നത്തിന് വലിയൊരു പരിഹാരമാകും. 2016-ലാണ് കക്കാട്ടാറ് കേന്ദ്രീകരിച്ച് നിലയ്ക്കല്‍-സീതത്തോട് കുടിവെള്ള പദ്ധതിയുടെ നിര്‍മാണം തുടങ്ങിയത്. ട്രീറ്റ്‌മെന്റ് പ്ലാന്റിന്റെയും കിണറിന്റെയും നിര്‍മാണ പ്രവര്‍ത്തനം ഒന്‍പത് കോടി രൂപ ചെലവഴിച്ച് പൂര്‍ത്തീകരിച്ചിരുന്നു. ഇപ്പോള്‍ 120 കോടി രൂപയുടെ പ്രവര്‍ത്തനമാണ് അവസാന ഘട്ടത്തിലേക്ക് എത്തിയിരിക്കുന്നത്.

സീതത്തോട് മുതല്‍ നിലയ്ക്കല്‍ വരെയുള്ള പമ്പിങ് മെയ്നിന്റെയും സീതത്തോടിനും നിലക്കലിനും ഇടയിലുള്ള മൂന്ന് ബൂസ്റ്റിംഗ് പമ്പിങ് സ്റ്റേഷന്റെയും ടാങ്കിന്റെയും നിര്‍മ്മാണ പ്രവര്‍ത്തനം പൂര്‍ത്തിയാക്കിയതോടെയാണ് ട്രയല്‍ റണ്‍ സാധ്യമായത്. നിലവില്‍ ജല സംഭരണം നടത്തുന്ന 50 ലക്ഷം ലിറ്റര്‍ ടാങ്കിലാണ് സീതത്തോട്ടില്‍ നിന്ന് പമ്പ് ചെയ്യുന്ന വെള്ളം ശേഖരിക്കുന്നത്. നിലയ്ക്കലില്‍ ഭാവിയിലെ ആവശ്യങ്ങള്‍ മുന്നില്‍ കണ്ട് 20 ലക്ഷം ലിറ്റര്‍ വീതം സംഭരണ ശേഷിയുള്ള മൂന്നു ടാങ്കുകളുടെ നിര്‍മ്മാണം അവസാന ഘട്ടത്തിലാണ്.

പദ്ധതി യാഥാര്‍ത്ഥ്യമാകുന്നതോടു കൂടി നിലയ്ക്കല്‍ ബേസ് ക്യാമ്പില്‍ ജല വിതരണത്തിനായി ജല അതോറിറ്റിക്ക് വേണ്ടി വരുന്ന കോടികളുടെ അധിക ബാധ്യതയ്ക്ക ശാശ്വത പരിഹാരമായിരിക്കുകയാണ്. നബാര്‍ഡ് പദ്ധതിയില്‍ ടെന്‍ഡര്‍ ആകാത്ത പ്രവര്‍ത്തികള്‍ ജലജീവന്‍ മിഷന്‍ പദ്ധതിയില്‍ ഉള്‍പ്പെടുത്തിയാണ് നടപ്പിലാക്കിയത്.

പദ്ധതിയുടെ ഭാഗമായി നിലയ്ക്കല്‍ ബേസ് ക്യാമ്പിലെ 20 ലക്ഷം ലിറ്റര്‍ സംഭരണ ശേഷിയുള്ള 3 ഉന്നതതല ജല സംഭരണികളുടെ നിര്‍മാണ പ്രവര്‍ത്തികള്‍ പുരോഗമിക്കുകയാണെന്നും മന്ത്രി അറിയിച്ചു. എസ്എന്‍എല്‍ ടവറിന് സമീപമുള്ള 20 ലക്ഷം ലിറ്റര്‍ സംഭരണശേഷിയുള്ള സംഭരണിയുടെ റൂഫ് സ്ലാഫിന്റെ പണി കൂടിയാണ് പൂര്‍ത്തിയാകാനുള്ളത്. ശേഷിക്കുന്ന മുഴുവന്‍ പ്രവര്‍ത്തികളും പൂര്‍ത്തിയാക്കി. ഗോശാലയ്ക്ക് സമീപമുള്ള 20 ലക്ഷം ലിറ്റര്‍ സംഭരണശേഷിയുള്ള ജല സംഭരണിയുടെ സ്ട്രക്ചറല്‍ വര്‍ക്കുകളും പൂര്‍ത്തിയായി. പള്ളിയറക്കാവ് ക്ഷേത്രത്തിന് സമീപമുള്ള 20 ലക്ഷം ലിറ്റര്‍ സംഭരശേഷിയുള്ള ജല സംഭരണിയുടെ ബോട്ടം സ്ലാബ് വരെയുള്ള പ്രവര്‍ത്തികളും പൂര്‍ത്തിയാക്കി.

7000 കുടുംബങ്ങള്‍ക്കും പ്രയോജനം

സീതത്തോട്, പ്ലാപ്പള്ളി, തുലാപ്പള്ളി, ളാഹ എന്നിവിടങ്ങളില്‍ താമസിക്കുന്ന 7000 ഓളം കുടുംബങ്ങള്‍ക്കും പൈപ്പ്ലൈനിന്റെ പ്രയോജനം ലഭിക്കും. ശബരിമല ഇടത്താവളമായ നിലയ്ക്കലില്‍ സുഗമമായ കുടിവെള്ള വിതരണത്തിന് ഈ പദ്ധതി പൂര്‍ത്തീകരിക്കുകയല്ലാതെ മറ്റ് മാര്‍ഗം ഉണ്ടായിരുന്നില്ല. നിലയ്ക്കലില്‍ ഓരോ വര്‍ഷവും വെള്ളത്തിന്റെ ആവശ്യകത വര്‍ധിച്ചുവരുന്നതിനൊപ്പം ജലവിതരണം വലിയ പ്രശ്‌നമാകുകയും ചെയ്തിരുന്നു.

നിലവില്‍ നിലയ്ക്കലില്‍ ടാങ്കറുകളില്‍ വെള്ളമെത്തിച്ചാണ് മണ്ഡലകാലത്ത് വിതരണം ചെയ്യുന്നത്. ഇതിനാകട്ടെ വര്‍ഷംതോറും കോടികളാണ് സര്‍ക്കാരിന് ചെലവഴിക്കേണ്ടിവരുന്നത്. ശുദ്ധജലവിതരണ പദ്ധതികളൊന്നുമില്ലാത്ത സീതത്തോട് പഞ്ചായത്തിലെ ജനങ്ങളും തങ്ങളുടെ ദുരിതത്തിനും ഇതോടെ പരിഹാരമാകുകയാണ്. പദ്ധതിയുടെ ആദ്യഘട്ടം നിലയ്ക്കലില്‍ വെള്ളമെത്തിക്കുക എന്നതാണ്. തുടര്‍ന്നാവും സീതത്തോട് പഞ്ചായത്തില്‍ വെള്ളമെത്തിക്കുന്നതിനുള്ള നടപടികളാരംഭിക്കുക.