ചിത്രത്തിൽ നൽകിയിട്ടുള്ള QR കോഡുകൾ സ്കാൻ ചെയ്തോ, പ്ലേസ്റ്റോർ / ആപ്പ്സ്റ്റോർ വഴി നേരിട്ടോ

‘നമ്മുടെ കേരളം’ ആപ്ലിക്കേഷൻ ഡൗൺലോഡ് ചെയ്ത് ലോഗിൻ ചെയ്യാം.

നിങ്ങൾക്ക് ലഭിക്കുന്ന ലോഗിൻ പേജിൽ സേവനങ്ങളോ, വകുപ്പുകളോ തിരഞ്ഞെടുത്തു കൊണ്ട് വാട്ടർ അതോറിറ്റിയുടെ പേജിലേക്ക് എത്താവുന്നതാണ്. വാട്ടർ ചാർജ് പേയ്മെൻ്റുകൾ നടത്താനും വാട്ടർ അതോറിറ്റിയുമായി ബന്ധപ്പെട്ട് ഉപഭോക്താക്കൾക്ക് പരാതികൾ നൽകാനും നൽകിയ പരാതിയുടെ നിലവിലെ നില അറിയുവാനുമുള്ള സൗകര്യങ്ങൾ ഈ സംവിധാനം വഴി ലഭ്യമാക്കിയിട്ടുണ്ട്.

ഇത്തവണ ഒാണക്കാലത്ത് എങ്ങോട്ടേക്കാണ് യാത്ര?

തേയിലത്തോട്ടങ്ങൾ കഥ പറയുന്ന, കുളിരുറയുന്ന, പ്രശാന്തസുന്ദരമായ മൂന്നാ‍റിലേക്കാണോ?

മൂന്നാർ യാത്രികരേ, യാത്രാവേളയിൽ എവിടെ തങ്ങുമെന്നു തീരുമാനിക്കുംമുൻപ് വാട്ടർ അതോറിറ്റിയുടെ മൂന്നാർ ​ഗസ്റ്റ് ഹൗസിനെപ്പറ്റി അറിയൂ.. പുനരുദ്ധാരണത്തിനു ശേഷം കൂടുതൽ സൗകര്യങ്ങളൊരുക്കി, സഞ്ചാരികളെ കാത്തിരിക്കുകയാണ് വാട്ടർ അതോറിറ്റി മൂന്നാ‍ർ ​ഗസ്റ്റ് ഹൗസ്. മൂന്നാറിൽ നിലവിൽ ലഭ്യമായതിൽ ഏറ്റവും ഉയരത്തിലുള്ള താമസസ്ഥലമാണിത്. മൂന്നാർ ടൗണിന്റെയും ഡാമിന്റെയും ഏറ്റവും ഉയരത്തിലുള്ള വ്യൂ ആണ് ഇവിടെനിന്നു ലഭ്യമാകുന്നത്. മാട്ടുപ്പെട്ടി, കാന്തല്ലൂ‍ർ, മറയൂർ തുടങ്ങിയ ഡെസ്റ്റിനേഷനുകളിലേക്ക് ഇവിടെനിന്ന് യാത്രയും ഏറെ എളുപ്പമാണ്.

പുതുതായി നി‍ർമിച്ച ഒരു ഡീലക്സ് റൂമും മൂന്നു ഡബിൾ റൂമും ഉൾപ്പെടെ ആകെ ഏഴു മുറികൾ പൊതുജനങ്ങൾക്ക് താമസത്തിനായി തുറന്നിട്ടുണ്ട്. മികച്ച സൗകര്യങ്ങളോടെ, കുറഞ്ഞ നിരക്കിലുള്ള താമസമാണ് ആ​ഗ്രഹിക്കുന്നതെങ്കിൽ, വാട്ട‍ർ അതോറിറ്റി ​ഗസ്റ്റ് ഹൗസ് മികച്ച അനുഭവമായിരിക്കും നിങ്ങൾക്ക് സമ്മാനിക്കുക.

നിരക്കുകൾ ചുവടെ

1. പുതുതായി നിർമ്മിച്ച മുറികൾ

ഡീലക്സ് മുറി -1

വിസ്തീർണം – 273.50 (ച.അടി)

പ്രതിദിന നിരക്ക് – ₹ 2800

ഡബിൾ മുറി ക്ലാസ് B -1

വിസ്തീർണം – 228.48 (ച.അടി)

പ്രതിദിന നിരക്ക് – ₹ 1800

ഡബിൾ മുറി ക്ലാസ് C -2

വിസ്തീർണം – 160 (ച.അടി)

പ്രതിദിന നിരക്ക് – ₹ 1500

2. നവീകരിച്ച മുറികൾ

ഡബിൾ മുറി – ക്ലാസ് A – 2

വിസ്തീർണം – 271 (ച.അടി)

പ്രതിദിന നിരക്ക് – ₹ 2200

സിംഗിൾ മുറി -1

വിസ്തീർണം – 125.90 (ച.അടി)

പ്രതിദിന നിരക്ക് – ₹ 1200

ബുക്കിങ്ങിനായി ഫോൺ നമ്പ‍ർ- 8289940602

ഇമെയിൽ – phsdnadimaly@gmail.com

See less

വാട്ടർ അതോറിറ്റി ചെറുതോണി ​ഗസ്റ്റ് ഹൗസ് സൗകര്യങ്ങളും ദൈനംദിന നിരക്കും(രൂപയിൽ)

രണ്ട് എസി സ്യൂട്ട് റൂമുകൾ- 3000

ഒരു ഡബിൾ റൂം ക്ലാസ് എ — 1000

രണ്ടു ഡബിൾ റൂം ക്ലാസ് ബി –800

ഒരു സിം​ഗിൾ റൂം ക്ലാസ് എ — 750

നൂറുപേരെ ഉൾക്കൊള്ളുന്ന കോൺഫറൻസ് ഹാൾ — 10000

പൈനാവ് ​ഗസ്റ്റ് ഹൗസ് സൗകര്യങ്ങളും ദൈനംദിന നിരക്കും(രൂപയിൽ)

മൂന്ന് എസി സ്യൂട്ട് റൂമുകൾ — 3000

ഒരു ഡബിൾ റൂം ക്ലാസ് എ — 1000

ഒരു ഡബിൾ റൂം ക്ലാസ് ബി — 800

നിലവിൽ ഒാൺലൈൻ ബുക്കിങ് സൗകര്യമില്ല.

ബുക്കിങ്ങിനായി

● Phone: 8547638464

● Email: ibkwaidukki@gmail.com

തുടർച്ചയായുണ്ടായ പ്രതിസന്ധികളെ മറികടന്നാണ് കോയിപ്രം സമഗ്ര കുടിവെള്ള പദ്ധതിയുടെ ഒന്നാംഘട്ടം ഉദ്ഘാടനം ചെയ്യാനായതെന്ന് മന്ത്രി പറഞ്ഞു. 2016–17 മുതൽ വിവിധ പഞ്ചായത്തുകളിലായി ആവിഷ്കരിച്ച ചെറുകിട പദ്ധതികളൊക്കെ ഒത്തുചേർന്നതാണ് പുതിയ ജലജീവൻ പദ്ധതി. പത്തനംതിട്ട ജില്ലയിൽ ആറന്മുള തിരുവല്ല, റാന്നി എന്നീ നിയോജകമണ്ഡലങ്ങളിൽ ഉൾപ്പെടുന്ന കോയിപ്രം, പുറമറ്റം, തോട്ടപ്പുഴശ്ശേരി, എഴുമറ്റൂർ, ഇരവിപേരൂർ, കല്ലൂപ്പാറ, കുന്നന്താനം തുടങ്ങിയ ഏഴു ഗ്രാമപഞ്ചായത്തുകളിൽ വർഷങ്ങളായി നിലനിൽക്കുന്ന അതിരൂക്ഷമായ കുടിവെള്ളക്ഷാമം പരിഹരിക്കുന്നതിനായി ജലജീവൻ മിഷൻ പദ്ധതിയിൽ ഉൾപ്പെടുത്തി 260 കോടിയുടെ സമഗ്ര കുടിവെള്ള പദ്ധതി നടപ്പിലാക്കുകയാണ്. പത്തനംതിട്ട ജില്ലയിലെ ഏറ്റവും വലിയ കുടിവെള്ള പദ്ധതി നടപ്പിലാക്കുന്നതോടുകൂടി ഏഴു പഞ്ചായത്തുകളിലെ ഒന്നര ലക്ഷം ജനങ്ങൾക്ക് ശുദ്ധീകരിച്ച കുടിവെള്ളം ലഭ്യമാകും.
ഈ പദ്ധതിയുടെ ജലശുദ്ധീകരണശാല, ഇൻടേക്ക് വെൽ എന്നിവ നിർമ്മിക്കുന്നതിന് ആവശ്യമായ സ്ഥലം ഏറ്റെടുക്കുന്നതിനായി കേരള സർക്കാർ 10.5 8 കോടി രൂപ ജല അനുവദിക്കുകയും പൂവത്തൂരിൽ പദ്ധതിയുടെ ഇൻടേക്ക് വെൽ നിർമ്മിക്കാനാവശ്യമായ സ്ഥലം വാട്ടർ അതോറിറ്റിക്ക് ഏറ്റെടുത്ത് കൈമാറിയിട്ടുണ്ട്. 40 ദശലക്ഷം ലിറ്റർ ശേഷിയുള്ള ജലശുദ്ധീകരണശാല, 12 മീറ്റർ വ്യാസമുള്ള ഇൻടേക്ക് വെൽ, പമ്പിങ് ലൈൻ ടാങ്കുകൾ മറ്റ് അനുബന്ധ ഘടകങ്ങൾ എന്നിവയോടുകൂടിയ 109.5 കോടി രൂപയുടെ പദ്ധതിയാണ് ഇപ്പോൾ നടപ്പിലാക്കുന്നത്.

കോയിപ്രം പഞ്ചായത്തിലെ കുന്നം കോളനിയിൽ നിന്നാണ് ഇതിന്റെ തുടക്കം. 25 ലക്ഷം രൂപയുടെ പദ്ധതിയാണ് അന്ന് അവതരിപ്പിച്ചത്. കുന്നത്തിന് സമീപമുള്ള പാടത്ത് കിണർ കുഴിച്ച് കുന്നം നിവാസികൾക്ക് കുടിവെള്ളമെത്തിക്കുന്നതായിരുന്നു പദ്ധതി. എന്നാൽ ആ പ്രദേശത്തിന് ആവശ്യമായ കുടിവെള്ളം ലഭ്യമല്ലെന്നു കണ്ടതോടെ ശ്രമം ഉപേക്ഷിക്കേണ്ടിവന്നു.പിന്നീട് കോയിപ്രം, തോട്ടപ്പുഴശ്ശേരി, ഇരവിപേരൂർ എന്നീ പഞ്ചായത്തുകളിലെ കുടിവെള്ള വിതരണത്തിനായി 25 കോടിയുടെ മറ്റൊരു പദ്ധതി അവതരിപ്പിച്ചു. പദ്ധതി തുടങ്ങിയ സമയത്ത് ആറന്മുള നിയോജക മണ്ഡലത്തിൽ നിന്ന് കിഫ്ബിയിലേക്ക് നൽകിയ 10 പ്രധാന പദ്ധതികളിലൊന്നായിരുന്നു കോയിപ്രം കുടിവെള്ള പദ്ധതി. പ്രമറ്റം, എഴുമറ്റൂർ, കുന്നന്താനം, കല്ലൂപ്പാറ എന്നീ പഞ്ചായത്തുകളെയും ഉൾപ്പെടുത്തി ഏകദേശം 260 കോടി രൂപയുടെ കുടിവെള്ള പദ്ധതിയായി ഇത് വികസിച്ചു.

ആനാട്‌, കുറുപുഴ, പാലോട്‌ വില്ലേജുകള്‍ക്കു വേണ്ടിയുള്ള കുടിവെള്ള പദ്ധതിയുടെ, പാലോട് ഇന്‍ ടേക്ക്‌ വെല്‍ കം പമ്പ്‌ ഹസ്‌, 11.50 ദശലക്ഷം ലിറ്റ‍ർ പ്രതിദിനശേഷിയുള്ള ജലശുദ്ധീകരണശാല, ആനക്കുഴിയിലെ 10 ലക്ഷം ലിറ്റര്‍ ജലസംഭരണി, ആനക്കുഴി 10 ലക്ഷം ലിറ്റര്‍ ജലസംഭരണിയില്‍നിന്നു നന്ദിയോട്‌ പഞ്ചായത്തിലേക്കുള്ള ജലവിതരണ ശൃംഖല, ജലജീവൻ മിഷന്‍ ആനാട്‌, നന്ദിയോട്‌ പഞ്ചായത്തുകള്‍ക്കു വേണ്ടിയുള്ള പദ്ധതിയില്‍ ഉള്‍പ്പെടുത്തി പൂര്‍ത്തിയാക്കിയ കൂപ്പ്‌ 6.25 ലക്ഷം ലിറ്റര്‍ ശേഷിയുള്ള ഉപരിതലജലസംഭരണി, കൂപ്പ്‌ ഉപരിതലജലസംഭരണിയില്‍നിന്ന് ആനാട്‌ പഞ്ചായത്തിലേക്കുള്ള ജലവിതരണശൃംഖല, ആനാട്‌, നന്ദിയോട്‌ പഞ്ചായത്തുകള്‍ക്കു വേണ്ടിയുള്ള ഗാര്‍ഹിക കുടിവെള്ള കണക്ഷനുകള്‍ എന്നീ പ്രവൃത്തികളാണ് സമ​ഗ്രകുടിവെള്ള പദ്ധതിയുടെ കീഴിൽ പൂര്‍ത്തീകരിച്ചത്.

വാമനപുരം നിയോജകമണ്ഡലത്തിലുള്‍പ്പെട്ട ആനാട്‌, നന്ദിയോട്‌ പഞ്ചായത്തുകളില്‍ കുടിവെള്ളം ലഭ്യമാക്കുന്നതിനു വേണ്ടി വിഭാവനം ചെയ്ത പദ്ധതിയാണ്‌ ആനാട്‌ – കുറുപുഴ – പാലോട്‌ കുടിവെള്ള പദ്ധതി. ഈ പദ്ധതി വിവിധ ഘടകങ്ങള്‍ ഉള്‍പ്പെടുത്തി മൂന്ന്‌ ഘട്ടങ്ങളായാണ്‌ നടപ്പിലാക്കുന്നത്‌. ഒന്നാം ഘട്ട പ്രവര്‍ത്തികള്‍ക്ക്‌ കേന്ദ്ര ധനസഹായത്തോടെയുള്ള എന്‍.ആര്‍.ഡി.ഡബ്ല്യു.പി. പദ്ധതിയില്‍ ഉള്‍പ്പെടുത്തി 2014 നവംബറിൽ 15 കോടി രൂപയുടെ ഭരണാനുമതി ലഭിച്ചിരുന്നു. ഇതില്‍ പാലോടുള്ള ഇന്‍ ടേക്ക്‌ വെല്‍ കം പമ്പ്‌ ഹസ്‌ , 11.50 എംഎൽഡി ജലശുദ്ധീകരണശാല, ക്ലിയര്‍ വാട്ടര്‍ സമ്പ്, ആനക്കുഴി 10 ലക്ഷം ലിറ്റര്‍ ശേഷിയുള്ള ജലസംഭരണി എന്നിവയാണ്‌ ഉള്‍പ്പെട്ടിരുന്നത്‌.

കിണർ, പമ്പ്ഹൗസ്, അസംസ്കൃത വാട്ടര്‍ പമ്പിംഗ്‌ മെയിന്‍ എന്നിവ 4.89 കോടിക്കും ജലശുദ്ധീകരണശാല 4.34 കോടി രൂപയ്ക്കും നിര്‍മ്മാണം പൂർത്തീകരിച്ചു.

2016 മുതല്‍ എന്‍.ആര്‍.ഡി.ഡബ്ല്യു.പി. പദ്ധതികള്‍ക്കുള്ള കേന്ദ്ര സാമ്പത്തിക സഹായം വലിയ തോതില്‍ കുറയ്ക്കുകയും പിന്നീട്‌ പൂര്‍ണമായും നിര്‍ത്തലാക്കുകയും ചെയ്തതിനാൽ ഫണ്ടിന്റെ അപര്യാപ്തത ഭരണാനുമതി ലഭിച്ച പദ്ധതിപൂർത്തീകരണത്തെ ബാധിച്ചിരുന്നു. പ​ദ്ധതിയുടെ അവശേഷിക്കുന്ന പ്രവൃത്തികള്‍ക്കായി 2018 ഒാ​ഗസ്റ്റിൽ സ്റ്റേറ്റ്‌ പ്ലാനില്‍ ഉള്‍പ്പെടുത്തി 16 കോടി രൂപയുടെ ഭരണാനുമതി ലഭിച്ചു. ഇതില്‍ അസംസ്കൃത ജലം പമ്പ് ചെയ്യുന്നതിനായി പമ്പ്‌ സെറ്റുകള്‍ സ്ഥാപിക്കല്‍, നന്ദിയോട്‌ നിലവിലുള്ള ജലസംഭരണിയുടെ പുനരുദ്ധാരണം, പുതുതായി 10 ലക്ഷം ലിറ്റര്‍ സംഭരണശേഷിയുള്ള പുതിയ ഭൂതലജലസംഭരണിയുടെ നിര്‍മ്മാണം, ഈ ജലസംഭരണികളിലേയ്ക്ക്‌ ജലശുദ്ധീകരണശാലയില്‍ നിന്നും ശുദ്ധീകരിച്ച ജലം എത്തിക്കുന്നതിനുള്ള പൈപ്പ്ലൈന്‍ സ്ഥാപിക്കല്‍, നന്ദിയോട്‌ പഞ്ചായത്തില്‍ 63 കി. മീ. ദൈര്‍ഘ്യത്തില്‍ ജലവിതരണശൃംഖല സ്ഥാപിക്കല്‍ എന്നിവയാണ്‌ ഉള്‍പ്പെടുത്തിയിരുന്നത്‌. ഈ പ്രവൃത്തികള്‍ രണ്ടു പാക്കേജുകളായി പൂര്‍ത്തീകരിച്ചിട്ടുണ്ട്‌. 2025 മാർച്ചിൽ വൈദ്യുത കണക്ഷന്‍ ലഭിക്കുകയും തുടര്‍ന്ന്‌ ജലശുദ്ധീകരണശാല കമ്മീഷന്‍ ചെയ്ത് ആനക്കുഴി, നന്ദിയോട്‌ ടാങ്കുകളിലേയ്ക്കുള്ള ശുദ്ധജല പമ്പിങ്‌ മെയിനുകള്‍ ചാര്‍ജ്‌ ചെയ്യുകയും ചെയ്തിട്ടുണ്ട്‌. നന്ദിയോട്‌ പഞ്ചായത്തിലുള്ള ആനക്കുഴി, നന്ദിയോട്‌ ജലസംഭരണികളില്‍ നിന്നുള്ള വിതരണശൃംഖലയിലൂടെ 2025 ഓഗസ്റ്‌ 16 മുതല്‍ ജലവിതരണം നടന്നുവരുന്നു. കുടിവെള്ള പദ്ധതിയുടെ മൂന്നാം ഘട്ടമായി ആനാട്‌, നന്ദിയോട്‌ പഞ്ചായത്തുകളിലെ മുഴുവന്‍ വീടുകളിലും കുടിവെള്ളമെത്തിക്കുന്നതിനായി ജലജീവന്‍ മിഷനിലുള്‍പ്പെടുത്തി 2021-ല്‍ 79.58 കോടി രൂപയുടെ ഭരണാനുമതി ലഭിച്ചു. ഈ പ്രവൃത്തികള്‍ പുരോ​ഗമിക്കുകയാണ്.

ഈ വർഷം മുതൽ വാടകവീടുകളിൽ താമസിക്കുന്നവ‍‍ർക്കും ബി.പി.എല്‍. ആനുകൂല്യം അനുവദിക്കും. ഈ വിഭാഗത്തില്‍പ്പെട്ട ഉപഭോക്താക്കള്‍ അപേക്ഷയോടൊപ്പം വാടകക്കരാറിന്റെ പകര്‍പ്പും വീടുടമസ്ഥന്‍റെ സമ്മതപത്രവും ഓണ്‍ലൈന്‍ പോര്‍ട്ടലില്‍ അപ്ലോഡ് ചെയ്യണം. കൂടുതൽ വിവരങ്ങൾക്ക് ബന്ധപ്പെട്ട വാട്ട‍ർ അതോറിറ്റി സെക്ഷൻ ഒാഫിസ് സന്ദർശിക്കുകയോ ടോൾഫ്രീ നമ്പരായ1916-ൽ വിളിക്കുകയോ ചെയ്യാം.

ഈ മണ്ഡല-മകരവിളക്ക് കാലത്ത് ജനുവരി ഒന്നാം തീയതി വരെ ബോർഡിനുള്ള ആകെ കുടിവെള്ള ബിൽ തുക 2.630 കോടി രൂപയാണ്. ഈ തുക രണ്ടാഴ്ചയ്ക്കുള്ളിൽ തന്നെ അടയ്ക്കണമെന്നും കോടതി നിർദേശിച്ചിട്ടുണ്ട്.

ടാങ്കർ വഴി കുടിവെള്ളം എത്തിക്കേണ്ട സ്ഥിതി ഒഴിവായതോടെ തിരുവിതാംകൂർ ദേവസ്വം ബോ‍‍ർഡിന് 3.54 കോടി രൂപയാണ് ഈ തീർഥാടന കാലത്ത് ലാഭിക്കാനായത്. ഈ വർഷം ടാങ്കർ വിതരണ ഇനത്തിൽ 6.78 ലക്ഷം രൂപ മാത്രമാണ് ചെലവായത്. കഴിഞ്ഞ മണ്ഡലകാലത്ത് 3.39 കോടി രൂപയാണ് ടാങ്കർ കുടിവെള്ള വിതരണത്തിന് ബോർഡ് ചെലവാക്കിയത്. 2023-24-ലെ തീർഥാടന കാലത്ത് 3.89 കോടി രൂപയായിരുന്നു ടാങ്കർ കുടിവെള്ള വിതരണത്തിനായി ബോർഡിന് വേണ്ടിവന്നത്. സീതത്തോട്–നിലയ്ക്കൽ കുടിവെള്ള പദ്ധതി പ്രവർത്തനസജ്ജമാകുമ്പോൾ ടാങ്കർ കുടിവെള്ള വിതരണം പൂർണമായും ഒഴിവാക്കാനാകുമെന്ന് വാട്ടർ അതോറിറ്റി വ്യക്തമാക്കിയിരുന്നു. നാമമാത്രമായ ടാങ്കർ കുടിവെള്ള വിതരണവുമായി ഈ തീർഥാടനകാലം പിന്നിടുമ്പോൾ വാ​ഗ്ദാനം നിറവേറ്റാനായതിന്റെ ആഹ്ലാദത്തിലാണ് വാട്ടർ അതോറിറ്റിയിലെ ജീവനക്കാർ.

ടാങ്കർ കുടിവെള്ള വിതരണം ഒഴിവായതോടെ നിലയ്ക്കലേക്ക് ദിനംപ്രതി ഒാടിച്ചിരുന്ന 120 മുതൽ150 വരെ ടാങ്കർ ലോറി ട്രിപ്പുകൾ, ഒന്നോ രണ്ടോ ആയി ചുരുക്കാൻ കഴിഞ്ഞു. ഇതോടെ ഗതാഗതക്കുരുക്കിനും ഏറെ പരിഹാരമായിട്ടുണ്ട്.

ഈ തീർഥാടന കാലത്ത് പമ്പയിൽ 4.69 ലക്ഷം കിലോലിറ്റർ വെള്ളം പൈപ്പ് ലൈൻ വഴിയെത്തിച്ചിരുന്നു. നിലയ്ക്കലിലെ 1.17 ലക്ഷം കിലോലിറ്റർ വെള്ളം കൂടി ചേർത്ത് ആകെ 5.87 ലക്ഷം കിലോലിറ്റർ കുടിവെള്ളമാണ് ഈ തീർഥാടന കാലത്ത് ശബരിമലയിൽ വിതരണലൈൻ വഴിയെത്തിച്ചത്. കഴിഞ്ഞ മണ്ഡലകാലത്ത് പമ്പയിൽ ആകെ 3.90 ലക്ഷം കിലോലിറ്റർ വെള്ളമാണ് വിതരണലൈൻ വഴിയെത്തിച്ചത്. നിലയ്ക്കലിൽ വിതരണം ചെയ്ത വെള്ളം മുഴുവനും ടാങ്കർ വഴിയായിരുന്നു.

നിലയ്ക്കൽ, പമ്പ, സന്നിധാനം, നീലിമല എന്നിവടങ്ങളിലേക്കുള്ള കുടിവെള്ള വിതരണത്തിനായി നിലയ്ക്കൽ-സീതത്തോട് പദ്ധതിയും പമ്പ കുടിവെള്ള പദ്ധതിയുമാണ് വാട്ടർ അതോറിറ്റിയുടെ കീഴിൽ പ്രവർത്തിക്കുന്നത്. ഈ ഒക്ടോബറിൽ പ്രവർത്തനസജ്ജമായ നിലയ്ക്കൽ-സീതത്തോട് പദ്ധതിക്ക് 94 കോടി രൂപയായിരുന്നു നിർമാണച്ചെലവ്. പദ്ധതികളുടെ പരിപാലനം, ഇൻഡസ്ട്രിയൽ നിരക്കിലുള്ള വൈദ്യുത ചാർജ്, പമ്പയിലെ എൻഎബിഎൽ അക്രഡിറ്റഡ് ജലഗുണനിലവാര പരിശോധനാ ലാബിൻറെ പ്രവർത്തനം എന്നീ വകയിൽ വാട്ടർ അതോറ്റിക്ക് പ്രതിവർഷം 75 ലക്ഷത്തോളം രൂപയാണ് പ്രവർത്തന നഷ്ടം.